Skattar 16 ára
Strákur
14
Þarf að byrja að borga skatta á 16. ári eða þegar maður verður 16 ára?
Sæll.
Takk fyrir erindið. Skattskylda miðar við árið sem þú verður 16 ára, óháð því hvenær þú átt afmæli. En á sama tíma færðu líka persónuafslátt, sem dregst frá skattinum.
Persónuafsláttur getur safnast upp yfir árið ef maður vinnur ekki nema t.d. bara á sumrin. Núna er persónuafslátturinn 53.895 kr. á mánuði eða 646.739 kr. fyrir allt árið. Börn sem vinna bara á sumrin þurfa því yfirleitt ekki að greiða skatt nema þau séu með mjög há laun.
Ef þú vilt vita meira um skattskyldu þá er hægt að nálgast upplýsingar á vefsíðu Ríkisskattstjóra.
Ef þú ert hins vegar með fleiri spurningar skaltu endilega hafa samband aftur. Þú getur svarað þessum pósti eða hringt í síma 800-5999 (gjaldfrjálst). Það er einnig hægt að fræðast meira um vinnu barna og unglinga á vefsíðunni okkar.
Með kærri kveðju frá umboðsmanni barna