Má leggja laun inn á reikning foreldra?
Strákur
13
Er að vinna smá, má leggja launin mín inn á reikning hjá mömmu eða pabba eða verður að leggja þau inn á mig ?
Hæhæ,
Stutta svarið við þessari spurningu er nei í raun má ekki leggja laun barns inn á reikning hjá mömmu eða pabba.
Þó að börn séu ófjárráða til 18 ára aldurs þá ráða þau sjálf yfir launum og pening sem þau fá gefins. Í lögunum stendur líka að foreldrar eiga að halda fjármálum barna sinna aðskildum sínum fjármálum. Því mælir umboðsmaður barna með að laun barns séu lögð inn á reikning sem tilheyrir barninu.
Ef þú hefur ert með frekari spurningar þá er þér velkomið að senda tölvupóst á ub@barn.is eða hafa samband í síma 800-5999 (gjaldfrjálst)
Gangi þér vel!
Kær kveðja frá umboðsmanni barna