Nýlega hélt Menntamálastofnun samráðsfund með fulltrúum ungmennaráða. Tilgangur fundarins var að fá skoðanir ungmenna á ýmsum málefnum og verkefnum stofnunarinnar. Fulltrúar úr ráðgjafarhópi umboðsmanns barna, Kristján Helgason og Inga Huld Ármann, mættu á fundinn, ásamt fulltrúum frá ungmennaráðum Barnaheilla, SAFT, Samfés, Unicef, UMFÍ og sveitarfélaganna Árborg, Akureyri, Fjarðabyggð og Stykkishólmi.

Í gær birtu nokkrir fjölmiðlar myndband sem sýndi líkamsárás gegn barni. Ljóst er að um er að ræða alvarlegt mál, þar sem börn eiga í hlut. Þó að andlit barnanna hafi verið hulin má ætla að auðvelt geti verið að þekkja þau. Umboðsmaður barna gagnrýnir umrædda myndbirtingu og skorar á fjölmiðla að fjarlægja myndbandið af vefsíðum sínum.

Allsherjar- og menntamálanefnd Alþingis óskaði eftir umsögn umboðsmanns barna um frumvarp til laga um útlendinga, 728. mál. Umsögn sína veitt umboðsmaður barna með tölvupósti 4. maí 2016.

Velferðarnefnd Alþingis óskaði eftir umsögn umboðsmanns barna um frumvarp til laga um sjúkratryggingar (hámarksgreiðslur sjúkratryggðra og þjónustustýring), 676. mál. Umsögn sína veitt umboðsmaður barna með tölvupósti 2. maí 2016.

Í frétt á vef velferðarráðuneytisins, dags. 7. apríl 2016, er óskað eftir umsögnum og tillögum að breytingum á gildandi lögum um ráðgjöf og fræðslu varðandi kynlíf og barneignir og um fóstureyðingar og ófrjósemisaðgerðir nr. 25-1975. Umboðsmaður barna ákvað að senda inn eina ábendingu varðandi sjálfákvörðunarrétt stúlkna með tölvupósti dags. 27. apríl 2016.

Lausnaþing til að ræða málefni barna sem passa ekki í „kassann“ verður haldið fimmtudaginn 28. apríl, milli kl. 14 og 17. Umboðsmaður barna stendur fyrir þinginu, ásamt ýmsum félagsamtökum sem vinna að málefnum barna.

Umboðsmaður barna vekur athygli á fræðslufundi „Náum áttum" samstarfshópsins um börn í framhaldsskólum á Grand hóteli Reykjavík miðvikudaginn 27. apríl nk. kl. 8:15 - 10:00 .

Umboðsmaður barna hefur sent tölvubréf til nokkurra fjölmiðla þar sem bent er á þau sjónarmið og ákvæði laga sem mikilvægt er að hafa í huga þegar fjölmiðlar fjalla um einstök börn eða málefni barna. Í bréfinu er einnig óskað eftir upplýsingum um starfsreglur eða viðmið þeirra varðandi umfjöllun um börn.

Velferðarnefnd Alþingis óskaði eftir umsögn umboðsmanns barna um frumvarp til laga um fæðingar- og foreldraorlof (lenging fæðingarorlofs og hækkun á hámarksgreiðslu), 261. mál. Umsögn sína veitt umboðsmaður barna með tölvupósti dags. 7. apríl 2016.