Skóli

Er nám vinna?

Strákur

15

Komdu sæll.

Almennt er litið á nám í grunnskóla sem fulla vinnu og æskilegt að börn noti þær stundir sem þau eiga lausar til hvílda og tómstunda. Þá er litið á grunnskólann sem vinnustað nemenda (sjá 13. gr. laga um grunnskóla) þar sem þess skuli gætt að:

• nemendur finni til öryggis og njóti hæfileika sinna
• vinnuálag sé hæfilegt þannig að nemendur fái nægilega hvíld og
• námsumhverfi sé hvetjandi og nemendur njóti vinnufriðar

Þá þarf einnig að hafa í huga að vinnuálag sé í samræmi við aldur og þroska nemenda. Það kemur meðal annars fram í lögum um grunnskóla að vikulegur kennslutími hvers nemanda í grunnskóla skal vera að lágmarki:

• 1.200 mínútur í 1. – 4. bekk,
• 1.400 mínútur í 5. – 7. bekk og
• 1.480 mínútur í 8. – 10. bekk.

Vonandi svarar þetta einhverju. 

Kær kveðja frá umboðsmanni barna