Fréttir: október 2014
Fyrirsagnalisti
Sjálfstæð kæruheimild fyrir börn
Í gær, 28. október, skrifuðu umboðsmenn barna á Norðurlöndum undir sameiginlega yfirlýsingu um mikilvægi þess að Norðurlöndin fullgildi þriðju valfrjálsu bókunina við Barnasáttmála Sameinuðu þjóðanna, sem veitir börnum og fulltrúum þeirra sjálfstæðan kærurétt til Barnaréttarnefndarinnar.
Opinber umfjöllun um börn - Morgunverðarfundur
Umboðsmaður barna vill vekja athygli á morgunverðarfundi Náum áttum miðvikudaginn 29. október nk. á Grand hótel. Umræðuefnið er ábyrgð fjölmiðla og foreldra þegar kemur að opinberri umfjöllun um börn.
Aðbúnaður barna á unglingadeildinni á Vogi
Eins og fram hefur komið í fjölmiðlum sendi Rótin - félag um málefni kvenna með áfengis- og fíknivanda umboðsmanni barna erindi þar sem fram kemur að félagið hafi áhyggjur af því að börn séu send til meðferðar á Vogi þar sem samgangur er við fullorðna. Umboðsmaður barna hefur svarað erindi Rótarinnar.
Breyting á ákvæði um frístundaheimili í samráðsferli
Vakin er athygli á að mennta - og menningarmálaráðuneyti hefur sett í opið samráðsferli breytingar á grunnskólum er varða frístundaheimili.
Drög að reglugerð um afplánun ungra fanga á aldrinum 15-18 ára
Innanríkisráðuneytið óskaði eftir umsögnum um drög að reglugerð um afplánun ungra fanga á aldrinum 15-18 ára í frétt á vef ráðuneytisins dags. 29. september 2014. Umboðsmaður barna sendi ráðuneytinu umsögn með tölvupósti dags. 10 október 2014.
Stattu með þér frumsýnd
Stuttmyndin Stattu með þér var frumsýnd í grunnskólum landsins í dag, 9. október 2014. Myndin fjallar um sjálfsvirðingu, ofbeldi og að setja mörk og er unnin á vegum samstarfsverkefnisins Vitundarvakning um kynferðislegt, andlegt og líkamlegt ofbeldi gegn börnum.
Tillaga til þingsályktunar um eflingu heilbrigðisþjónustu, menntakerfis og velferðarþjónustu, 14. mál
Velferðarnefnd Alþingis óskaði eftir umsögn umboðsmanns barna um tillögu til þingsályktunar um eflingu heilbrigðisþjónustu, menntakerfis og velferðarþjónustu, 14. mál. Umboðsmaður barna sendi nefndasviði umsögn sína í tölvupósti dags. 6. október 20014.