Í þessari viku hófst formlega verkefnið Göngum í skólann sem stendur út októbermánuð. Verkefninu er ætlað að hvetja nemendur, foreldra og starfsmenn skóla til að ganga, hjóla, fara á línuskautum eða á annan virkan hátt til og frá skóla.

Ríkisstjórnin samþykkti 2. október sl. tillögu félagsmálaráðherra um að sérstakur dagur verði helgaður börnum hér á landi. Lagt er til að dagur barnsins verði síðasti sunnudagur í maí ár hvert, í fyrsta sinn árið 2008.

Dagana 12. – 13. október nk. verður haldin á Grand Hóteli í Reykjavík norræn ráðstefna um forvarnir og áfengis- og vímuefnamál.

Umboðsmaður barna vill vekja athygli á ráðstefnu Barnaheilla um Netið og kynferðislegt ofbeldi gegn börnum sem haldin verður 11. október í Norræna húsinu.

Í dag, 4. október og á morgun, 5. október standa yfir þemadagarnir Þver/snið skipulagðir af jafnréttis-, fjölskyldu- og alþjóðanefnd Stúdentaráðs HÍ.

Heimsókn umboðsmanns barna, Margrétar Maríu, til Akureyrar og nágrennis var mjög vel heppnuð í alla staði.

Embætti umboðsmanns barna auglýsir laust til umsóknar starf sérfræðings. Umboðsmaður barna starfar eftir lögum nr. 83/1994.

Mánudaginn 1. október og þriðjudaginn 2. október mun umboðsmaður barna, Margrét María, heimsækja Norðurland. Umboðsmaður ætlar að sitja fund skólanefndar Akureyrarbæjar og heimsækja meðferðarheimilin Árbót og Berg í Aðaldal í S – Þingeyjarsýslu. Svo mun umboðsmaður heimsækja Oddeyrarskóla og leikskólann Iðavelli á Akureyri og halda erindi á Lögfræðitorgi Háskólans á Akureyri.

Árlegur fundur umboðsmanna barna í Evrópu var haldinn í Barcelona á Spáni í síðustu viku. Umboðsmaður barna, Margrét María Sigurðardóttir, sótti fundinn ásamt starfsmanni embættisins Sigríði Önnu Ellerup. Helsta umræðuefni fundarins var fötluð börn og hinn nýji sáttmáli Sameinuðu þjóðanna um réttindi fatlaðra.