Systurstofnanir í Belgíu heimsóttar
Umboðsmaður barna heimsótti embætti umboðsmanna barna í Belgíu í síðustu viku til að kynna sér starfsemi embættana og réttindagæslu fyrir börn.
Í síðustu viku heimsótti Salvör Nordal, umboðsmaður barna, embætti umboðsmanna barna í Belgíu, annars vegar Kinderrechtencommissariaat, sem Caroline Vrijens leiðir og hins vegar Délégué général aux droits de l'enfant, sem leitt er af Bernard De Vos. Í heimsókninni var m.a. rætt um evrópskt samstarf umboðsmanna barna, réttindagæslu fyrir börn og starfsemi embættanna. Þá fundaði Salvör einnig með forseta flæmska þingsins, Liesbeth Homans, en á þeim fundi var m.a. rætt um þá ráðstöfun að annað embætti umboðsmanns barna í Belgíu heyrir undir þingið og er með starfsemi sína í þinghúsinu.
