Fundur barna- og ungmennaráðs heimsmarkmiða Sameinuðu þjóðanna
Barna- og ungmennaráð heimsmarkmiða Sameinuðu þjóðanna fundaði með fulltrúum frá forsætisráðuneytinu og utanríkisráðuneytinu 16. og 17. febrúar sl.
Barna- og ungmennaráð heimsmarkmiða Sameinuðu þjóðanna fundaði í Reykjavík dagana 16. og 17. febrúar sl. Ráðið fundaði með fulltrúum frá forsætisráðuneytinu og áttu samráðsfund með utanríkisráðuneytinu vegna aðildar Íslands í mannréttindaráði Sameinuðu þjóðanna 2025-2027.
Lögð verður áhersla á réttindi barna í mannréttindaráðssetunni og fengu fulltrúar ráðsins að eiga samtal við starfsfólk ráðuneytisins um stöðu og sýn barna í málaflokknum. Fulltrúar ráðsins gistu eina nótt í Reykjavík og hófu undirbúningsvinnu fyrir ríkisstjórnarfund sem haldinn verður í vor. Nánari upplýsingar um barna- og ungmennaráð heimsmarkmiðanna er að finna á vefsíðu ráðsins og einnig er hægt að fylgjast með störfum þess á Facebook og Instagram.
Á fundi í utanríkisráðuneytinu
Fundur með Ástu og Eggerti frá forsætisráðuneytinu
Rýnt í áherslur Íslands í mannréttindaráði Sameinuðu þjóðanna
Hópavinna í undirbúningi fyrir fund ráðsins með ríkisstjórn Íslands