25. apríl 2025

Barna- og ungmennaráð heimsmarkmiða Sameinuðu þjóðanna og heimsins stærsta kennslustund

Heimsins stærsta kennslustund var haldin í dag, 25. apríl. Aldís Ögmundsdóttir og Baldur Ari Hjörvarsson frá barna- og ungmennaráði heimsmarkmiða Sameinuðu þjóðanna mættu í Laugarnesskóla í dag til þess að kynna starf ráðsins og ræða við 6. bekkinga um heimsmarkmiðin. Með þeim í för voru Pétur Hjörvar Þorkelsson frá Félagi Sameinuðu þjóðanna á Íslandi og Guðlaug Edda Hannesdóttir frá umboðsmanni barna.
Heimsins stærsta kennslustund (World Largest Lesson) er árlegt átak styrkt af UNESCO sem snýr að kennslu á heimsmarkmiðunum. Markmiðið er að efla vitund nemenda og hvetja þá til aðgerða er kemur að sjálfbærri þróun og heimsmarkmiðunum. Félag Sameinuðu þjóðanna á Íslandi sem hefur umsjón með verkefninu sem haldið er á vegum UNESCO-skóla.
Aldís og Baldur stóðu sig vel og voru flottir fulltrúar ráðsins.

Aldís og Baldur kynna starf ráðsins og ræða um heimsmarkmiðin í kennslustund

Fyrir framan Laugarnesskóla ásamt Pétri Hjörvari frá Félagi Sameinuðu þjóðanna á Íslandi