Logo Umboðsmanns barna
English Danish Russian Thai Polish

Fastur á netinu? - Morgunverðarfundur Náum áttum

Yfirskrift fyrsta morgunverðarfundar Náum áttum á þessu hausti er Fastur á netinu?

Á fundinum verður fjallað um tölvufíkn, áhrif mikillar tölvunotkunar á ungmenni, forvarnir og úrræði. Á fundinn mæta með erindi þau Guðlaug Júlíusdóttir, félagsráðgjafi á BUGL, sem fjallar um „valdmiklar tölvur - hver ræður heima?“ og Hafþór Birgisson, tómstunda- og félagsmálafræðingur með erindið „jákvæð netnotkun, ekki verður bókvit í askana látið“. Einnig er með framsögu ungur maður sem segir sögu sína, hvernig hann "lokaðist á netinu" sem unglingur, leitaði sér hjálpar og losnaði úr viðjum fíkninnar.

Morgunverðarfundurinn er öllum opinn á meðan húsrúm leyfir en með morgunverði kostar þátttakan 1.800 kr. (sjá auglýsingu).  Fundarstjóri verður Steinunn Bergmann hjá Barnaverndarstofu. Náum áttum er samstarfsverkefni samtaka og stofnana í forvörnum en nýlega var vefsíða verkefnisins uppfærð.

Skráning á fundinn hér.