Fréttir: desember 2011

Eftir að hafa fengið ábendingu frá umboðsmanni barna ákvað Strætó bs. að bjóða börnum á grunnskólaaldri að kaupa nemakort á sömu kjörum og framhaldsskólanemar eiga kost á. Með þessari breytingu njóta öll börn því sömu kjara nema börn á aldrinum 0-6 ára ferðast endurgjaldslaust með strætó.

Starfsfólk umboðsmanns barna óska öllum börnum, fjölskyldum þeirra og samstarfsaðilum embættisins gleðilegra jóla og farsældar og friðar á komandi ári.

Nú þegar jól og áramót nálgast viljum við í SAMAN-hópnum minna á mikilvægi samveru fjölskyldunnar um hátíðirnar. Samverustundir fjölskyldna eru dýrmætar og stuðla að heilbrigðum samskiptum og líferni.

Mennta- og menningarmálaráðuneyti barst fyrirspurn um túlkun á ákvæði 4. mgr. 13. gr. reglugerðar nr. 1040/2011, um ábyrgð og skyldur skólasamfélagsins í grunnskólum. Ráðuneytið túlkar ákvæðið þannig að miða skuli við að ljóst sé af útliti eða framkomu að nemandinn sé undir áhrifum vímuefna.

Hinn 18. nóvember sl. stóð Heimili og skóli fyrir málþingi undir yfirskriftinni „FORELDRADAGURINN 2011 – FORELDRAFÆRNI“.

Sú hátíð sem nálgast er fjölskylduhátíð og hvetur umboðsmaður því fjölskyldur til að njóta þess að vera saman.

Opið hús verður hjá umboðsmanni barna mánudaginn 19. desember milli kl. 10:30 og 12.

Umboðsmaður barna hefur fengið ábendingar varðandi það að SPURT OG SVARAÐ, sem er að finna inni á barna- og unglingasíðunni, sé ekki í lagi. Þar af leiðandi er ekki víst að umboðsmanni berist þær fyrirspurnir sem sendar eru inn.