Fréttir: nóvember 2013

29. nóvember 2013 : Frumvarp til laga um um vísindarannsóknir á heilbrigðissviði (heildarlög), 159. mál.

Velferðarnefnd Alþingis óskaði eftir umsögn umboðsmanns barna um frumvarp til laga um vísindarannsóknir á heilbrigðissviði (heildarlög), 159. mál. Umsögn sína veitti umboðsmaður barna með tölvupósti dags. 29. nóvember 2013.

29. nóvember 2013 : Frumvarp um breytingu á lögum nr. 86/2011, um verslun með áfengi og tóbak, með síðari breytingum (heimildir ÁTVR til að hafna áfengi), 156. mál.

Efnahags- og viðskiptanefnd Alþingis óskaði eftir umbösn umbosmanns barna um frumvarp til laga um verslun með áfengi og tóbak (heimildir ÁTVR til að hafna áfengi), 156. mál. Umsögn sína veitt umboðsmaður barna með tölvupósti dags. 29. nóvember 2013.

25. nóvember 2013 : Byrgjum brunninn - uppeldi sem forvörn - Morgunverðarfundur

Umboðsmaður barna vekur athygli á fræðslufundi Náum áttum miðvikudaginn 27. nóvember kl. 8:15 til 10:00 á Grand hótel Reykjavík. Umfjöllunerefni fundarins er „Byrgjum brunninn - uppeldi sem forvörn."

21. nóvember 2013 : Foreldradagur Heimilis og skóla

Heimili og skóli – landssamtök foreldra munu þann 22. nóvember nk. standa fyrir Foreldradeginum í Menntaskóla Borgarfjarðar í Borgarnesi. Yfirskriftin er "Hvernig geta foreldrar unnið að forvörnum og stuðlað að velferð barna?"

20. nóvember 2013 : Afmælisdagur Barnasáttmálans

Í dag eru 24 ár liðin frá því að allsherjarnefnd Sameinuðu þjóðanna samþykkti Samninginn um réttindi barnsins eða Barnasáttmálann. Til að fagna deginum og vekja athygli á réttindum barna var haldinn morgunverðarfundur í dag undir yfirskriftinni „Öll börn eru mikilvæg. Barnasáttmáli Sameinuðu þjóðanna lögfestur á Íslandi“. Nú standa íslensk stjórnvöld frammi fyrir mikilvægri áskorun um innleiðingu Barnasáttmálans.

19. nóvember 2013 : Tillaga til þingsályktunar um útlendinga, 136. mál.

Allsherjar- og menntamálanefnd Alþingis óskaði eftir umsögn um tillögu til þingsályktunar um útlendinga, 136. mál. Umsögn sína veitti umboðsmaður barna með tölvupósti dags. 19. nóvember 2013.

19. nóvember 2013 : Tillaga til þingsályktunar um skráningu upplýsinga um umgengnisforeldra, 71. mál

Velferðarnefnd Alþingis óskaði eftir umsögn umboðsmanns barna um tillögu til þingsályktunar um skráningu upplýsinga um umgengnisforeldra, 71. mál. Umsögn sína veitt umboðsmaður barna með tölvupósti dags. 19. nóvember 2013.

18. nóvember 2013 : Er baráttan töpuð? Er hægt að vernda börn gegn skaðlegu efni í fjölmiðlum og tölvuleikjum?

Fjölmiðlanefnd, SAFT og Heimili og skóli standa fyrir málþingi undir yfirskriftinni "Er baráttan töpuð? Er hægt að vernda börn gegn skaðlegu efni í fjölmiðlum og tölvuleikjum?". Tilefni málþingsins er að tæknibreytingar og breytt fjölmiðlanotkun barna og unglinga kallar á breyttar aðferðir til að vernda börn gegn skaðlegu efni í fjölmiðlum, á internetinu og í tölvuleikjum.

18. nóvember 2013 : Öll börn eru mikilvæg. Barnasáttmáli Sameinuðu þjóðanna lögfestur á Íslandi - Morgunverðarfundur

Öll börn eru mikilvæg. Barnasáttmáli Sameinuðu þjóðanna lögfestur á Íslandi. Morgunverðarfundur 20. nóvember 2013 haldinn á Grand Hótel kl. 8.15-10.30.