Heimsóknir í Safamýrarskóla og sérdeild Hlíðaskóla
Í dag, 4. desember, fór umboðsmaður barna, Margrét María, ásamt starfsmanni embættisins, Eðvaldi Einari, í heimsókn í Safamýrarskóla og Hlíðaskóla. Sá fyrri er sérskóli en síðari er almennur skóli með sérdeild fyrir börn með fötlun.
Erla Gunnarsdóttir, skólastjóri Safamýrarskóla tók á móti þeim þar ásamt Guðrúnu Gunnarsdóttur aðstoðarskólastjóra. Tóku Margrét María og Eðvald m.a. þátt í söngstund og fengu svo tækifæri til að skoða skólann og þær aðstæður sem í boði eru.
Í Hlíðaskóla tók Oddný Ingvadóttir, deildarstjóri sérkennslu á móti þeim og sýndi þá starfsemi sem þar fer fram. Umboðsmaður barna þakkar þeim kærlega fyrir góðar móttökur.