Félagsmiðstöðvadagurinn í Reykjavík
Samkvæmt könnun sem unnin var fyrir ÍTR síðasta vor sækja um 40% unglinga að jafnaði starf félagsmiðstöðvanna í borginni. Samvera með félögunum er mikilvægur þáttur í þroska unglings og liður í leit unglingsins að sjálfum sér. Þáttaka í skipulögðu félagsstarfi dregur úr líkum á vímuefnaneyslu auk þess að vera góður tilrauna- og þjálfunarvettvangur í samskiptum.
Miðvikudaginn 1. nóvember gefst Reykvíkingum tækifæri á að heimsækja félagsmiðstöðvar ÍTR í Reykjavík og kynnast starfseminni sem fer fram þar og unglingunum sem þangað sækja. Félagsmiðstöðvarnar verða opnar fyrir gesti og gangandi frá kl. 17 til kl. 21.
Nánari upplýsingar á www.itr.is.